برطانوی شاہی جوڑے کا ٹرین حادثے پر اظہار افسوس

ہماری دعائیں حادثے میں متاثر ہونے والے افراد اور ان کے اہلخانہ کے ساتھ ہیں، برطانوی شاہی جوڑا

ویب ڈیسک November 01, 2019

کنگسٹن پیلس کی جانب سے صدر مملکت عارف علوی کے نام تعزیتی پیغام جاری کیا گیا ہے فوٹوفائل

برطانوی شاہی جوڑے شہزادہ ولیم اور ڈچز آف کیمبرج کیٹ مڈلٹن نے تیزگام ایکسپریس سانحے پر اظہار افسوس کیا ہے۔

کنگسٹن پیلس کے آفیشل ٹوئٹر اکاؤنٹ سے رحیم یار خان میں ہونے والے ٹرین حادثے پر صدر مملکت عارف علوی کے نام تعزیتی پیغام جاری کیا گیا ہے۔ جس میں ڈیوک اور ڈچز آف کیمبرج نے ٹرین حادثے پر اظہار افسوس کیاہے۔

اس خبرکوبھی پڑھیں: تیزگام ایکسپریس میں آتشزدگی سے 74 مسافر جاں بحق

پیغام میں رحیم یار خان کے قریب تیزگام ٹرین میں بھڑکنے والی آگ اور اس کے نتیجے میں پیش آنے والے المناک حادثے پر پرنس ولیم اور کیٹ مڈلٹن نے غم کا اظہار کرتے ہوئے کہا کہ ہماری دعائیں حادثے میں متاثر ہونے والے افراد اور ان کے اہلخانہ کے ساتھ ہیں۔

The Duke and Duchess of Cambridge have sent a message to the President of Pakistan following the tragic fire on the Tezgam train near Rahim Yar Khan.https://t.co/WJZocOZRCK
— The Prince and Princess of Wales (@KensingtonRoyal) October 31, 2019

واضح رہے کہ گزشتہ روز رحیم یار خان کے قریب کراچی سے لاہور اور راولپنڈی جانے والی تیز گام ایکسپریس میں آتشزدگی کے باعث 74 افراد جاں بحق جب کہ 90 سے زائد زخمی ہوگئے تھے۔