سینما گھروں میں عید پرایک بھارتی اور سات پاکستانی فلموں کی نمائش ہوگی

عید الاضحیٰ پر ملک کے سینماؤں میں ایک بھارتی سمیت آٹھ فلمیں نمائش کے لیے پیش کی جائینگی۔


ان میں ایک اردو فلم''وار'' کے علاوہ تین پنجابی ''لباس ''، ''سپرگرل'' ، ''شرابی'' جبکہ چار پشتو فلمیں'' اوربل'' ، '' ضدی پختون''، ''گندا گیر'' اور ''غیرت '' اور ایک بھارتی فلم ''باس''شامل ہے۔ بھارتی فلم ''باس'' بالی وڈ اسٹار اور کھلاڑی اکشے کمار کی فلم ہے جس میں متھن چکرورتی، رونیت رائے، سوناکشی سنہا، شیو پنڈت، ادیتی رائو حیدری، ڈینی کے علاوہ پربھو دیوا گانا'' ہم نہ توڑیں'' اور ہنی سنگھ ''پارٹی آل نائٹ'' میں مہمان اداکار کے حیثیت سے جلوہ گرہونگے۔ پاکستانی پنجابی فلمیں ''سپرگرل'' میٹروپول، ''لباس'' اوڈین اور ''شرابی'' کیپٹل جبکہ دیگر فلمیں سنی پلیکس سینمائوں میں نمائش ہونگی۔