گاؤں کے سارے چور مل جائیں تو سمجھو تھانیدار ایماندار آیا ہے مراد سعید

عمران خان نہ کھاتے ہیں اور نہ کھانے دیتے ہیں۔ مراد سعید فوٹو: فائل

---

وفاقی وزیر مواصلات مراد سعید کا کہنا ہے کہ جب گاؤں کے سارے چور مل جائیں تو سمجھو تھانیدار ایماندار آیا ہے۔

اپنی ٹوئٹ میں مراد سعید نے کہا کہ جعلی اکاؤنٹ، ٹی ٹی، اقامہ، کمیشن اور کرپشن والے سب ایک جگہ جمع ہوگئے ہیں۔ ابو بچاؤ، اقامہ چھپاؤ، کمیٹی دلاؤ اور کرپشن بچاؤ والے سارے یکجا ہوگئے ہیں۔ ان کا نعرہ تھا کہ ''کھاتا ہے تو لگاتا بھی ہے''۔

وفاقی وزیر نے اپوزیشن پر تنقید کرتے ہوئے کہا کہ ان کا نعرہ تھا کہ ''کھاتا ہے تو لگاتا بھی ہے''۔عمران خان سے مسئلہ یہ ہے کہ نہ کھاتے ہیں اور نہ کھانے دیتے ہیں، بلکہ جو یہ کھا چکے وہ بھی نکلوا کر عوام پر لگانا چاہتے ہیں۔'' گاوں کے سارے چور جب مل جائیں تو سمجھو تھانیدار ایماندار آیا ہے''۔