کراچی عیدالاضحیٰ کے دن بھی رینجرز کی ٹارگٹڈ کارروائیاں جاری مزید 16 ملزمان گرفتار

سیکیورٹی صورتحال کا جائزہ لینے کیلئے ڈی جی رینجرز میجر جنرل رضوان اختر نے مختلف علاقوں کا دورہ کیا۔

ویب ڈیسک October 16, 2013

سیکیورٹی صورتحال کا جائزہ لینے کے لئے ڈی جی رینجرز میجر جنرل رضوان اختر نے مختلف علاقوں کا دورہ کیا۔ فوٹو: فائل

لاہور: رینجرز کی جانب سے عیدالضحیٰ کے روز بھی ٹارگٹڈ آپریشن کرتے ہوئے شہر کے مختلف علاقوں سے مزید 16 ملزمان کو حراست میں لے کر ان کے قبضے سے اسلحہ برآمد کرلیا گیا۔

ترجمان رینجرز کے مطابق کراچی کے علاقے بلال کالونی، معین آباد، لانڈھی، جیکسن، لیاقت آباد اور گلشن اقبال 13 ڈی میں میں جرائم پیشہ افراد اور شر پسند عاصر کے خلاف ٹارگٹڈ آپریشن کئے گئے، اس دوران 16 جرائم پیشہ افراد کو حراست میں لےکر ان کے قبضے سے اسلحہ برآمد کرلیا گیاہے جس میں سب مشین گن بھی شامل ہے۔ دوسری جانب عید الضحیٰ کے موقع پر سیکیورٹی صورتحال کا جائزہ لینے کے لئے ڈی جی رینجرز میجر جنرل رضوان اختر نے مختلف علاقوں کا دورہ کیا۔

واضھ رہے کہ کراچی میں ٹارگٹڈ آپریشن کے دوران اب تک درجنوں مبینہ ٹارگٹ کلرز اور بھتہ خوروں سمیت دیگر ملزمان کو حراست میں لے لیا گیا ہے۔