چیچہ وطنی ڈاکو سیکیورٹی گارڈز کا روپ دھار کر 10 کروڑ سے زائد کا سونا لوٹ گئے

ڈاکوؤں نے مزاحمت پر ایک گارڈ کو زخمی بھی کردیا جسے طبی امداد کے لئے اسپتال منتقل کردیا گیا ہے۔ فوٹو: ایکسپریس نیوز

---

15 ڈاکو سیکیورٹی گارڈز کا روپ دھار کر زیورات کی 11 دکانیں لوٹ کر فرار ہوگئے۔

ایکسپریس نیوز کے مطابق 15 ڈاکو پولیس کی گاڑی میں چیچہ وطنی کے مرکزی بازار پہنچے اور وہاں موجود 2 سیکیورٹی گارڈز اور 2 راہگیروں کو رسیوں سے باندھ دیا، اس کے بعد ڈاکوؤں نے زیورات کی 11 دکانوں کے تالے توڑے اور 10 کروڑ روپے مالیت سے زائد کا سونا اور لاکھوں روپے کی نقدی لوٹ کر فرار ہوگئے، ڈاکوؤں نے مزاحمت پر ایک گارڈ کو زخمی بھی کردیا جسے طبی امداد کے لئے اسپتال منتقل کردیا گیا ہے۔

دوسری جانب تاجروں نے ڈکیتی کی ان وارداتوں کے خلاف ہائی وے پر احتجاج کیا جس کے باعث گاڑیوں کی لمبی قطاریں لگ گئیں اور لوگوں کو مشکلات کا سامنا کرنا پڑا۔