’’رام لیلا‘‘ میں دپیکا کیساتھ تاریخی رومانوی سین عکس بند کرایا رنویر

فلم میں دپیکا کے ساتھ ’’بوس وکنار‘‘ کا منظر فلمی تاریخ کا بہترین رومانوی منظر ہے، رنویر۔ فوٹو: فائل

---

بالی ووڈ اسٹار رنویر سنگھ نے دعویٰ کیا ہے کہ ان کی نئی فلم ''رام لیلا'' میں دپیکا پڈیکون کے ساتھ فلمایا جانے والا رومانوی سین بالی ووڈ تاریخ کا بہترین رومانوی منظر ہے۔

میڈیا رپورٹ کے مطابق بھارتی فلم ڈائریکٹر سنجے لیلا بھنسالی کی فلم ''رام لیلا'' میں رنویر سنگھ اور دپیکا پڈیکون پہلی بار ایک ساتھ نظر آئیں گے، اپنے ایک انٹرو کے دوران رنویر سنگھ نے کہاکہ دپیکا اور انھوں نے فلم میں اپنے آپ کو بہترین جوڑی کے طور پر منوایا ہے۔



رنویر سنگھ نے کہاکہ وہ خود سوچتے ہیں کہ فلم میں دپیکا کے ساتھ ''بوس وکنار'' کا منظر فلمی تاریخ کا بہترین رومانوی منظر ہے اور انھیں امید ہے کہ انفرادیت کے باعث اس رومانوی منظر پر کسی کو کوئی اعتراض نہیں ہوگا۔واضح رہے کہ فلم رام لیلا میں مذہبی جذبات کو ٹھیس پہنچانے کے باعث دپیکا پڈیکون اور رنویر سنگھ ایک مقدمے کا سامنا بھی کرچکے ہیں تاہم فلم میں بوس و کنار کے بالی ووڈ کے تاریخی مناظر کے انکشاف کے بعد انھیں بھارت میں کس طرح کی مزاحمت کا سامنا کرنا پڑ سکتا ہے یہ تو آنے والا وقت ہی بتائیگا۔