سجاولمویشیوں سے بھرا ٹرک الٹ گیا2افراد ہلاک9زخمی

زخمی عبدالکریم انڑیو کو نازک حالت میں کراچی لے جایا جارہا تھا کہ وہ راستے میں ہی دم توڑ گیا ۔

---

سجاول کے قریب بدین روڈ پر مویشیوں سے بھرا ٹرک الٹ جانے کے باعث 2 افراد ہلاک جبکہ 9 زخمی ہوگئے۔

تفصیلات کے مطابق کراچی سے مویشی لے کر مٹھی واپس جانے والا ٹرک سجاول۔ بدین روڈ بڈھو ٹالپر کے نزد یک الٹ گیا جس کے باعث مٹھی کے رہائشی سترام موقع پر ہی ہلاک جبکہ 10 افراد زخمی ہوگئے۔ز خمی عبدالکریم انڑیو کو نازک حالت میں کراچی لے جایا جارہا تھا کہ وہ راستے میں ہی دم توڑ گیا ۔



جبکہ دیگر زخمیوں نظر محمد، یامین، روشن، نبی بخش، امیدو، درمو، محمد اور حکیم کو تعلقہ اسپتال سجاول میں طبی امداد ودیگر روانہ کر دیا گیا۔ بتایا جاتا ہے کہ مٹھی اور ڈیپلو سے تعلق رکھنے والے مویشیوں کے بیوپاری اور مزدور کراچی میں عیدالاضحی کے موقعے پر جانور فروخت کرکے باقی مویشی ٹرک میں ڈال کر واپس اپنے گائوں جارہے تھے کہ سجاول کے قریب ٹائر برسٹ ہو جانے کے باعث ٹرک الٹ گیا۔