تاجروں کا 26 اکتوبر کو پنجاب بھر میں شٹرڈاؤن کا اعلان

حکومت انکم،پراپرٹی وسیلزٹیکس میں ظالمانہ اضافہ واپس لے،آل پاکستان انجمن تاجران. فوٹو؛ فائل

---

صدر آل پاکستان انجمن تاجران خالدپرویز اور سیکریٹری جنرل عبدالرزاق ببر نے کہاہے کہ حکمرانوں نے معیشت کابرا حال کر کے تاجروں کو جس طرح بدحال کردیا ہے۔

اس کی پاکستانی تاریخ میں مثال نہیں ملتی، وزیر خزانہ اسحاق ڈارکی پھرتیوں نے صرف 100دنوں میں ن لیگ حکومت کے بارے میں تاجروں میں مایوسی اوربے چینی پھیلا دی ہے، بجلی کے500ارب کے گردشی قرضے ختم کرنے کے باوجود لوڈشیڈنگ کا وہی حال ہے اوریہ چکری چکر پھر بڑھتا جارہاہے، غیرملکی قرضے ڈکٹیڈ شرائط پرلے کرتاجروں پر کالے ٹیکس قوانین ٹھونسنے کی کوشش ہورہی ہے ۔



جسے تاجرکبھی قبول نہیں کریں گے، حکومت نے انکم ٹیکس، پراپرٹی ٹیکس اورسیلزٹیکس میں ظالمانہ اضافہ واپس نہ لیاتو 26 اکتوبر کوپورے پنجاب میں شٹرڈاؤن کرکے حکمرانوں کے خلاف احتجاجی تحریک شروع ہو گی۔ تاجراس کیلیے پوری طرح متحد ہیں اوردوست دشمن کی پہچان خوب رکھتے ہیں اورہڑتال کے خلاف ہونے والے تمام حکومتی ہتھکنڈے ناکام بنادیں گے۔