بالی ووڈ کے دبنگ اسٹار سلمان خان اب فٹبال میں بھی انٹری دینے کو تیار

اگر کوئی میچ نوجوانوں یا چیریٹی کے لیے ہو تو میں اسے سپورٹ کرنے کو حاضر ہوں۔فوٹو: فائل

---

بالی ووڈ کے دبنگ اسٹار سلمان خان اب فٹبال میں بھی انٹری دینے کو تیار ہیں۔

انھوں نے گذشتہ دنوں ممبئی میں ایک فٹبال ٹورنامنٹ کا افتتاح کیا، جب ان سے پوچھا گیا کہ کیا وہ مستقبل میں کسی فٹبال ٹیم کو خریدنا یا سپورٹ کرنا پسند کریں گے تو انھوں نے کہا کہ مجھے فٹبال بہت پسند ہے اگر ٹیم کی قیمت اور اخراجات برداشت کرپایا تو ضرور خریدوں گا۔



مجھے اس کھیل سے بہت محبت ہے اگر کوئی میچ نوجوانوں یا چیریٹی کے لیے ہو تو میں اسے سپورٹ کرنے کو حاضر ہوں، ویسے بھی ہم چیریٹی کے لیے کھیلتے ہی رہتے ہیں، میں گھر پر بھی اپنے بھتیجوں ے ساتھ تقریباً روز فٹبال کھیلتا ہوں۔یاد رہے کہ سلمان خان کے بھائی ارباز خان دیگر فلمسٹارز کے تعاون سے سالانہ سیلیبریٹی کرکٹ لیگ کا بھی اہتمام کرتے ہیں۔