MOGADISHU: پاکستان کوامریکا سے کولیشن سپورٹ فنڈ کے واجبات کی مد میں 32کروڑ ڈالرز سے زائد رقم موصول ہوگئی ہے۔

وزیر خزانہ اسحاق ڈار نے واشنگٹن کے حالیہ دورے میں امریکی حکام کے سامنے پاکستان کوکولیشن سپورٹ فنڈ کے واجبات کی ادائیگی کا معاملہ اٹھایا تھا۔ وزارت خزانہ کے ترجمان نے ایک بیان میں کہا کہ اسٹیٹ بینک آف پاکستان کو امریکا سے 32کروڑ 20لاکھ ڈالرز مل گئے ہیں یہ رقم کولیشن سپورٹ فنڈ کے پرانے واجبات کی مد میں ملی ہے جس سے حکومت کو زرمبادلہ کے ذخائر بہتر بنانے کی کوششوں میں مدد ملے گی ۔