پاکستان سے جوہری تعاون عالمی قوانین کے مطابق ہے چین

دونوں ملکوں کے درمیان تعاون کے اس معاہدے کی عالمی تنظیم آئی اے ای اے نگرانی کررہی ہے۔ فوٹو: فائل

---

چین نے کہا ہے کہ پاکستان کے ساتھ سول جوہری توانائی کا تعاون عالمی قوانین کے مطابق ہے۔

چین کی وزارت خارجہ کے ترجمان ہوو چن ینگ نے امریکا اور بھارت کے تحفظات کو جواب دیتے ہوئے کہا کہ پاکستان کے ساتھ سول جوہری توانائی کا تعاون پرامن مقاصد کیلیے ہے ۔



اس معاہدے کے ذریعے پاکستان میں بجلی کی پیداوار کیلیے کراچی میں ایک ہزار میگاواٹ کے 2 جوہری ری ایکٹرز لگائے جائیں گے۔ انھوں نے کہا کہ اس تعاون کے معاہدے کی آئی اے ای اے نگرانی کررہی ہے جبکہ اس معاہدے پر عالمی قوانین کے عین مطابق عملدرآمد کیا جارہاہے۔