لاہور میں باراتیوں کی کار پر فائرنگ سے خاتون سمیت 2 افراد جاں بحق

ابتدائی طور پر واقعہ باہمی رنجش کا نتیجہ نظر آتا ہے تاہم تحقیقات کی بعد تفصیلات سامنے آئیں گی۔ فوٹو: فائل

---

لاہور کے علاقے بادامی باغ میں باراتیوں کے گاڑی پر فائرنگ کے نتیجے میں خاتون سمیت دو افراد جاں بحق جب کہ دو زخمی ہوگئے۔

ایکسپریس نیوز کے مطابق فائرنگ کا واقعہ رنگ روڈ پر پیش آیا جہاں نامعلوم موٹر سائیکل سواروں نے باراتیوں کی کار پر اندھا دھند فائرنگ کردی جس کے نتیجے میں مسرت نامی خاتون اور خالد نامی ایک شخص موقع پر ہی جاں بحق ہوگیا جب کہ دو افراد زخمی ہوگئے جنہیں طبی امداد کے لئے اسپتال منتقل کردیا گیا ہے۔

پولیس کا کہنا ہے کہ ابتدائی طور پر واقعہ باہمی رنجش کا نتیجہ نظر آتا ہے تاہم اس حوالے مزید تفصیلات تحقیقات کے بعد ہی سامنے آئیں گی جب کہ پولیس نے ملزمان کی گرفتاری کے لئے علاقے میں سیکیورٹی کو الرٹ کردیا ہے۔