پیرس میں ہزاروں افراد  کا اسلاموفوبیا کے خلاف احتجاج

مارچ کے شرکا نے پردہ کرنے والی خواتین کی حمایت میں نعرے بھی لگائے۔ فوٹو : سوشل میڈیا

---

فرانس کے دارالحکومت پیرس میں ہزاروں افراد نے اسلاموفوبیا کے خلاف مارچ کیا جس میں مسلمانوں کے ساتھ تعصب برتنے پر احتجاج کیا گیا۔

بین الاقوامی خبرایجنسی کے مطابق فرانس کے دارالحکومت پیرس میں ہزاروں افراد نے اسلاموفوبیا کے خلاف مارچ کیا جس میں مسلم کمیونیٹی کے افراد نے بھی شرکت کی، مارچ میں مسلمانوں کے ساتھ تعصب برتے جانے کے خلاف احتجاج کیا گیا۔ مارچ کے شرکا اسلاموفوبیا اورتعصب کے خلاف بینرزتھامے ہوئے تھے جب کہ شرکا نے پردہ کرنے والی خواتین کی حمایت میں نعرے بھی لگائے۔

واضح رہے کہ مارچ کی کال فرانس میں گزشتہ ماہ مسجد پر ہونے والے حملے کے بعد دی گئی تھی جس میں ایک شخص نے مسجد میں گھس کر فائرنگ کردی تھی جس کے نتیجے میں 2 افراد زخمی ہوگئے تھے۔