نسیم شاہ نے اہل خانہ کےمشورے کے بعد قومی ٹیم کے ساتھ آسٹریلیا میں ہی رہنےکا فیصلہ کیاہے، فوٹو: فائل
لوئیر دیر سے تعلق رکھنے والے نوجوان بولر کی والدہ کا انتقال گزشتہ شب ہوا تھا۔ان کے سوگ میں قومی کرکٹرز آج سیاہ پٹیاں باندھ کر پریکٹس میچ میں شرکت کررہےہیں۔
پی سی بی حکام کے مطابق نسیم شاہ کو والدہ کی انتقال کی اطلاع دے دی گئی تھی، تاہم سفر کی طوالت اور اہل خانہ کے ساتھ نسیم شاہ نے بات چیت کے بعد وطن واپس نہ جانے کے فیصلے سے آگاہ کردیاہے۔
پاکستان کرکٹ بورڈ کے ترجمان کے مطابق نسیم شاہ کی والدہ کے انتقال پر ٹیم انتطامیہ اور ٹیم کے ارکان کو بہت افسوس ہے، اس صدمے پر قومی ٹیم کے تمام ارکان ان کے دکھ میں شریک ہیں۔
تبصرے
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔