سنچری میکر اسٹیون اسمتھ آؤٹ قرار دینے پر امپائرز سے ناراض ہوگئے۔

ویسٹرن آسٹریلیا کے خلاف شیفلڈ شیلڈ میچ میں نیوساؤتھ ویلز کے اسٹیون اسمتھ نے 103 رنز بنائے تاہم انھیں مارکس اسٹوئنس کی شارٹ بال پر کاٹ بی ہائنڈ قرار دیا گیا مگر وہ اس فیصلے سے کافی مایوس دکھائی دیے۔

انھوں نے بعد ازاں میڈیا سے بات چیت میں بھی امپائر کے فیصلے کو غلط قرار دیا تاہم ان کی سنچری سے تقویت پاکر ان کی ٹیم نے 8 وکٹ پر 444 رنز بناکر اننگز ڈیکلیئرڈ کردی۔