نواز شریف کا سیکیورٹی بانڈ کی شرط پر بیرون ملک جانے سے انکار

شہباز شریف وکلا سے مشاورت کے بعد آئندہ کا لائحہ عمل طے کریں گے فوٹو: فائل

---

سابق وزیر اعظم نواز شریف نے سیکیورٹی بانڈ جمع کرانے کی شرط پر بیرون ملک جانے سے انکار کردیا ہے۔

ایکسپریس نیوز کے مطابق سابق وزیر اعظم نواز شریف نے حکومت کی جانب سے 7 ارب روپے کے سیکیورٹی بانڈ جمع کرانے کی شرط پر بیرون ملک جانے سے انکار کردیا ہے، انہوں نے اپنے اس فیصلے سے شہباز شریف کو بھی آگاہ کردیا ہے۔

دوسری جانب ن لیگ نے سیکیورٹی بانڈ کی شرط کے خلاف عدالت سے رجوع کرنے کا فیصلہ کیا ہے ، اس سلسلے میں شریف خاندان نے اپنے وکلا سے مشاورت بھی شروع کردی ہے۔ شہباز شریف وکلا سے مشاورت کے بعد آئندہ کا لائحہ عمل طے کریں گے۔