ٹی ٹین لیگ کی افتتاحی تقریب میں عاطف اسلم فن کا جادو جگائیں گے

افتتاحی میچ دفاعی چیمپیئن نادرن وارئیراور مراٹھا عریبین کے درمیان کھیلا جائے گا- فوٹو: سوشل میڈیا

---

ابوظہبی ٹی ٹین لیگ کی افتتاحی تقریب میں پاکستانی گلوکارعاطف اسلم فن کا جادو جگائیں گے۔

رنگارنگ افتتاحی تقریب میں پاکستانی گلوکارعاطف اسلم فن کا جادو جگائیں گے، ان کے ساتھ بالی ووڈ سیلبریٹی نورہ فتحی، ساؤتھ انڈین ماڈل پرتھوی نائر اور بنگلہ دیشی اداکار شکیب خان بھی ہوں گے، میزبانی انڈین اداکارحسین خواجروالا کے سپرد کی گئی ہے، تین گھنٹے کی یہ افتتاحی تقریب شائقین کرکٹ کی بڑی تعداد کو اپنی جانب متوجہ کرے گی۔

اگلے روز افتتاحی میچ دفاعی چیمپیئن نادرن وارئیراور مراٹھا عریبین کے درمیان کھیلا جائے گا، لیگ میں 8 ٹیمیں ٹرافی کے حصول کیلئےمیدان میں اتریں گی، دفاعی چیمپیئن نادرن وارئیرز کے علاوہ مراٹھا عریبین، ٹیم ابوظبی ، قلندرز، دکن گلیڈئیٹرز ، دہلی بلز، بنگال ٹائیگرز اور کرناٹک کی ٹیمیں 90 منٹ کے دورانیہ میں 10 اوورز یعنی 60 گیندوں پر مشتمل اننگ میں اپنی صلاحیتوں کا مظاہرہ کریں گی۔

Not all the stars are in the sky! We've got kings and queens of the stage and screen performing at our Opening Concert tmrw! Last chance to get your tickets to see Atif Aslam, Shakib Khan, and 'Megastar Mammootty' live at Zayed Cricket Stadium, November 14 pic.twitter.com/yKnNPoEGYh

— T10 Global (@T10League) November 13, 2019

واضح رہے کہ اس کرکٹ لیگ کی منظوری امارات کرکٹ بورڈ اور آئی سی سی نے دی ہے، یہ پہلی بین الاقوامی 10 اوورز پر مشتمل منظور شدہ کرکٹ لیگ بھی ہے، ٹورنامنٹ کے میچز10 دن کھیلے جائیں گے جس میں ابتدائی مراحلے کے بعد سیمی فائنلز اور فائنل ہوں گے، 2017 کا ایڈیشن 14 سے 17 دسمبر شارجہ کرکٹ اسٹیڈیم میں کھیلا گیا تھا، اگست 2018 میں انٹرنیشنل کرکٹ کونسل (آئی سی سی) نے باضابطہ طور پر لیگ کی منظوری دی تھی، لیگ کے دوسرے سیزن میں دو ٹیموں کا اضافہ کیا گیا، 2018 کا ایڈیشن 21نومبر سے 2 دسمبر تک شارجہ کرکٹ اسٹیڈیم میں ہی کھیلا تھا۔

Opening Concert tomorrow, then let the games begin! It's been a wild ride to this point but thank you for following the world's fastest cricket format and all your favorite international stars like... Hope to see you all at Zayed Cricket Stadium from 14-24 November! pic.twitter.com/FI4yvucXby

— T10 Global (@T10League) November 13, 2019