پاکستانی ڈی جی ایم او کا بھارتی ہم منصب سے ہاٹ لائن پر رابطہ سرحدی جارحیت پرتشویش کا اظہار
پچھلے 2 ماہ میں بھارتی افواج کی جانب سے لائن آف کنٹرول پر مختلف سیکٹرز میں 150 مرتبہ گولا باری اور فائرنگ کی گئی
لائن آف کنٹرول پر گولا باری اورفائرنگ کے واقعات سے دونوں ممالک کے درمیان کشیدگی میں مزید اضافہ ہو گا، ڈی جی ملٹری آپریشنز پاکستان فوٹو: اے ایف پی/ فائل
بھارتی فوج کی جانب سے لائن آف کنٹرول اورورکنگ بانڈری پر مسلسل فائربندی کی خلاف ورزی پر پاکستان کے ڈی جی ملٹری آپریشنز نے بھارتی ہم منصب سے ہاٹ لائن پر رابطہ کرکے اپنی تشویش کا اظہار کیا ہے۔
پاکستان کے ڈی جی ملٹری آپریشنز نے کنٹرول لائن پر مسلسل بھارتی فوج کی جانب سے بلا اشتعال فائرنگ اور گولہ باری کے واقعات پر شدید تشویش کا اظہار کیا، ڈی جی ملٹری آپریشنز نے بھارتی ہم منصب سے رابطے میں کنٹرول لائن پرفائرنگ کے ان واقعات کی روک تھام کرنے کی ضرورت پر زور دیا ۔ ان کا کہنا تھا کہ ایسے واقعات سے دونوں ممالک کے درمیان کشیدگی میں مزید اضافہ ہو گا۔
بھارتی فوج نے اپنی ہٹ دھرمی کا مظاہرہ کرتے ہوئے آج مسلسل ساتویں روز بھی آزاد کشمیر کے نکیال سیکٹر میں بلا اشتعال فائرنگ کا سلسلہ جاری رکھا جس سے علاقے میں خوف و ہراس پھیل گیا۔
گزشتہ 10 سالوں میں بھارت کی جانب سے لائن آف کنٹرول پر فائربندی کی خلاف ورزی کے یہ سب سے زیادہ واقعات ہیں، پچھلے 2 ماہ میں بھارتی افواج کی جانب سے لائن آف کنٹرول پر مختلف سیکٹرز میں 150 مرتبہ گولا باری اور فائرنگ کی گئی جس کے نتیجے میں متعدد پاکستانی فوجی اور معصوم شہری شہید جب کہ سرحد پر واقع متعدد مکانات اوردیگر املاک کو بھی شدید نقصان پہنچا ،بھارتی فوج کی مسلسل گولا باری اورفائرنگ سے علاقوں سے بڑی تعداد میں لوگوں نے نقل مکانی شروع کر دی ہے۔
پاکستان کے ڈی جی ملٹری آپریشنز نے کنٹرول لائن پر مسلسل بھارتی فوج کی جانب سے بلا اشتعال فائرنگ اور گولہ باری کے واقعات پر شدید تشویش کا اظہار کیا، ڈی جی ملٹری آپریشنز نے بھارتی ہم منصب سے رابطے میں کنٹرول لائن پرفائرنگ کے ان واقعات کی روک تھام کرنے کی ضرورت پر زور دیا ۔ ان کا کہنا تھا کہ ایسے واقعات سے دونوں ممالک کے درمیان کشیدگی میں مزید اضافہ ہو گا۔
بھارتی فوج نے اپنی ہٹ دھرمی کا مظاہرہ کرتے ہوئے آج مسلسل ساتویں روز بھی آزاد کشمیر کے نکیال سیکٹر میں بلا اشتعال فائرنگ کا سلسلہ جاری رکھا جس سے علاقے میں خوف و ہراس پھیل گیا۔
گزشتہ 10 سالوں میں بھارت کی جانب سے لائن آف کنٹرول پر فائربندی کی خلاف ورزی کے یہ سب سے زیادہ واقعات ہیں، پچھلے 2 ماہ میں بھارتی افواج کی جانب سے لائن آف کنٹرول پر مختلف سیکٹرز میں 150 مرتبہ گولا باری اور فائرنگ کی گئی جس کے نتیجے میں متعدد پاکستانی فوجی اور معصوم شہری شہید جب کہ سرحد پر واقع متعدد مکانات اوردیگر املاک کو بھی شدید نقصان پہنچا ،بھارتی فوج کی مسلسل گولا باری اورفائرنگ سے علاقوں سے بڑی تعداد میں لوگوں نے نقل مکانی شروع کر دی ہے۔