’’ہم دلہن والے‘‘ کی کامیابی دوسرے چینلز نے بھی ’’ایکسپریس نیوز‘‘ کی تقلید شروع کردی

مایا خان شو میں چلائی گئی کمپین کی طرح دوسرے چینلزبھی لڑکیوں کی شادیاں کرواکر ان کے خواب کی تکمیل کررہے ہیں، مایا خان۔ فوٹو: فائل

---

ایکسپریس نیوز کے مارننگ شو کی اینکر مایا خان کا کہنا ہے کہ مایا خان شو کی کامیابی کی یہ واضح نشانی ہے کہ مختلف چینلز اب ان کے لائے گئے ٹرینڈ کے پیروکار بن گئے ہیں ہم نے غریب بچیوں کی شادی کے پیچھے صرف اس نیک نیت کو ملحوظ خاطر رکھا ہے۔

انھوں نے کہا کہ ایکسپریس چینل کے مارننگ مایا خان شو میں چلائی گئی مہم'' ہم دلہن والے'' کی شاندار کامیابی کے بعد اب دوسرے چینلز بھی اس شو کی کمپین کی پیروی کرتے نظر آ رہے ہیں،مایا خان کا کہنا ہے کہ مارننگ شو کے ٹرینڈ میں شادیاں کروانا لازمی جز سمجھا جاتا ہے مگر مایا خان شو میں ان غریب بچیوں کی شادی کا مقصد ان غریب والدین کی امداد کرنا تھا جو شادی کے اخراجات پورے کرنے سے قاصر تھے۔



اس شو کے تحت نہ صرف ان بچیوں کی شادی دھوم دھام سے کی گئی بلکہ ان کی ہر تقریب میں شرکت کر کے اس فرض کو ایک گھر کے فرد ہونے کی حیثیت سے ادا کیا گیا۔ اس شوکی کامیابی اس بات کا ثبوت ہے کہ مختلف چینلز نے بھی اب مایا خان کی تقلید کرنے کی ٹھان لی ہے اور وہ مایا خان شو میں چلائی گئی کمپین کی طرح اپنے چینلز پر غریب لڑکیوں کی شادیاں کرواکر ان کے خواب کی تکمیل کررہے ہیں۔