فورسز کی کوششوں سے ملک میں سماجی و اقتصادی ترقی ممکن ہوئی آرمی چیف

وطن کے لیے جانیں قربان کرنے والے شہدا کو سلام پیش کرتے ہیں، آرمی چیف جنرل قمر جاوید باجوہ۔ فوٹو: فائل

---

آرمی چیف جنرل قمر جاوید باجوہ کا کہنا ہے کہ ملک میں سماجی و اقتصادی ترقی فورسز کی کوششوں سے ممکن ہوئی ہے۔

پاک فوج کے شعبہ تعلقات عامہ (آئی ایس پی آر) کے مطابق آرمی چیف جنرل قمر جاوید باجوہ نے فرنٹیئر کور ہیڈکوارٹرز کا دورہ کیا جہاں انہوں نے یادگار شہدا پر حاضری دی اور پھول چڑھائے، آرمی چیف نے فرنٹیئرکورمیوزیم اور فورٹ گیلری کا بھی دورہ کیا۔

آرمی چیف جنرل قمر جاوید باجوہ کا فرنٹیئر کور ہیڈ کوارٹرز کا دورہ
آرمی چیف نے یادگار شہداء پر حاضری دی،پھول چڑھائے ۔ آرمی چیف نے فرنٹیئر کور میوزیم ،فورٹ گیلری کا بھی دورہ کیا۔ آرمی چیف کی خیبرپختونخوا بالخصوص فاٹا میں امن کیلئے فرنٹیئر کور کے کردار کی تعریف۔ pic.twitter.com/tTn09LGh3n

— Government of Pakistan (@GovtofPakistan) November 15, 2019

اس موقع پر آرمی چیف جنرل قمر جاوید باجوہ کا کہنا تھا کہ کے پی بالخصوص فاٹا میں امن کے لیے فرنٹیئر کور کا کردار اہم ہے، وطن کے لیے جانیں قربان کرنے والے شہدا کو سلام پیش کرتے ہیں۔ ان کا کہنا تھا کہ ملک میں سماجی و اقتصادی ترقی فورسز کی کوششوں سے ممکن ہوئی جب کہ ملک میں دیرپا امن و استحکام کے لیے اقداما ت جاری رکھیں گے۔