سانگھڑ ماں تین بچوں سمیت اغوا مزاحمت پر ایک شخص زخمی

منگلی تھانہ کی حدود کے گاؤں میں 3 بچوں کی ماں اور ریاض خاصخیلی کی اہلیہ آمینہ خاصخیلی کو اغوا کرلیا گیا۔

مزاحمت پر ایک شخص زخمی، نازک حالت میں نواب شاہ اسپتال روانہ۔ اطلاعات کے مطابق گاؤں چک نمبر97 اسماعیل راجڑ میں 20 سے زائد مسلح افراد محمد خان خاصخیلی کے گھر میں گھس کر آمینہ زوجہ ریاض خاصخیلی کو بچوں سمیت اغوا کرکے لے گئے، مزاحمت پر زوار محمد خان خاصخیلی کو گولیاں مار کر زخمی کردیا ۔




جسے نازک حالت میں سول اسپتال نواب شاہ روانہ کردیا گیا۔ منگلی پولیس نے رابطے پر بتایا کہ 3 ماہ قبل خاصخیلی برادری کے نوجوان نے چانڈیو برادری کی لڑکی سے پسندکی شادی کی تھی جس کے باعث یہ واقعہ پیش آیا، فریقین مورچہ بند ہوگئے ہیں، علاقے میں خون ریزی کا خدشہ ہے۔