شام کے دارالحکومت دمشق میں مسجد کے قریب کار بم دھماکا 20 افراد ہلاک درجنوں زخمی

شام میں جاری کشیدگی میں اب تک ایک لاکھ 15 ہزار سے زائد افراد ہلاک اور ہو چکے ہیں۔ فوٹو: فائل

---

شام کے دارالحکومت دمشق میں مسجد کے قریب کار بم دھماکے کے نتیجے میں 3 بچوں سمیت 20 افراد ہلاک جبکہ 30 زخمی ہو گئے۔

غیر ملکی خبر رساں ایجنسی کے مطابق شام کے دارالحکومت دمشق کے علاقے سق وادی میں مسجد کے قریب کار بم دھماکے کے نتیجے میں 3 بچوں سمیت 20 افراد ہلاک جبکہ 30 زخمی ہو گئے، شام کی سرکاری خبر رساں ایجنسی کا کہنا ہے حکومت کے خلاف برسرپیکار ایک باغی کار میں بارودی مواد بھر رہا تھا کہ دھماکا ہو گیا جبکہ باغیوں نے حملے کا ذمہ دار بشار الاسد کی حامی افواج کو ٹھہرایا ہے۔

واضح رہے کہ شام میں گزشتہ ڈھائی سال سے زائد عرصے سے جاری خانہ جنگی کے باعث اب تک ایک لاکھ 15 ہزار سے زائد افراد ہلاک اور ہزاروں زخمی ہو چکے ہیں جبکہ لاکھوں افراد اندرون اور بیرون ملک پناہ لینے پر مجبور ہیں۔