بلاشاخ بینکاری کے ذریعے اپریل تاجون 173 ارب کا لین دین

رواں سال کی دوسری سہ ماہی کے دوران برانچ لیس بینکاری کے کھاتوں میں 10 فیصد نمو ہوئی اور ان کی تعداد بڑھ کر 26 لاکھ تک پہنچ گئی۔

اسٹیٹ بینک کے جاری کردہ برانچ لیس بینکاری کے نیوز لیٹرکے مطابق برانچ لیس بینکاری کے اداروں نے اس مدت میں مجموعی طور پر 44.8 ملین ٹرانزیکشنز کیں جن کی مالیت 173 ارب روپے تھی اور یہ تعداد کے لحاظ سے 9 فیصد اور قدر میں 1فیصد نمو کو ظاہر کرتے ہیں۔ ایجنٹوں نے اوسطاً یومیہ 4لاکھ 97ہزار 333 ٹرانزیکشنز کیں۔




جبکہ ایک ٹرانزیکشن کا اوسط حجم 3870 روپے رہا، سہ ماہی کے آخر تک برانچ لیس بینکاری کی خدمات دینے والے ایجنٹوں کی تعداد 93ہزار800 سے تجاوز کر گئی۔ نیوز لیٹر کے مطابق مارکیٹ میں مزید توسیع کی توقع ہے چونکہ چند دیگر بینک جو ابھی پائلٹ مرحلے میں ہیں وہ بھی اپنی برانچ لیس بینکاری آپریشنز شروع کرنے کی تیاری کر رہے ہیں۔