یونس سب سے زیادہ کیچز تھامنے والے پاکستانی بن گئے

یونس خان پاکستان کی جانب سے سب سے زیادہ 95کیچز تھامنے والے کھلاڑی بن گئے۔

دبئی ٹیسٹ میں انھوں نے پروٹیز کھلاڑی اسمتھ کا کیچ لے کر جاوید میانداد (94)کا ریکارڈ برابر کیا ، بعدازاں مورکل کا کیچ وصول کرکے سابق کپتان سے آگے نکل آئے ، یہ یونس کے کیریئر کا86 واں ٹیسٹ ہے، انھوں نے میانداد سے 38میچز کم کھیل کر ریکارڈ پر قبضہ جمایا۔




دریں اثنا دبئی ٹیسٹ میں پاکستان کو418رنز کے خسارے کا سامنا کرنا پڑا،55سال بعد کسی میچ میں ٹیم پہلی اننگز میں حریف کیخلاف400سے زائد رنز پیچھے رہی ہے،آخری بار 1958 میں ویسٹ انڈیز نے 473 اور 462 رنز کی برتری حاصل کی جبکہ1954 میں انگلینڈ نے401رنز کی سبقت پائی تھی۔