لیاری انٹر محلہ فٹبال کا افتتاح ہو گیا کلاکوٹ نے کلری کو شکست دے دی

لیاری انٹر محلہ برادر ہڈ فٹبال ٹورنامنٹ جمعے سے پیپلز فٹبال اسٹیڈیم میں شروع ہو گیا،رنگا رنگ افتتاحی تقریب کے موقع پرکمشنرکراچی شعیب احمد صدیقی مہمان خصوصی تھے۔


اس موقعہ پر سابق انٹرنیشنل کھلاڑیوں کے ساتھ تماشائیوں کی بڑی تعداد موجود تھی، پولیس بینڈ نے قومی گیتوں پر مشتمل دھنوں کی نغمہ سرائی بھی کی،تقریب سے خطاب کرتے ہوئے مہمان خصوصی نے کہا کہ اس ٹورنامنٹ سے کراچی خاص طور پر لیاری کے حوالے سے دنیا بھی میںامن کا پیغام جائے گا، جلد ہی لیاری میں دیگر کھیلوں کے مقابلوں کا بھی اہتمام کیا جائے گا، دریں اثناچیمپئن شپ کے افتتاحی روز 2میچز کھیلے گے، کلاکوٹ نے کلری کو1-0 سے شکست دے دی، فیصلہ کن گول شاہ زیب نے کھیل کے 15 ویں منٹ میں کیا،چاکی واڑہ اور شاہ بیگ لین کے درمیان مقابلہ کسی گول کے بغیر برابر رہا،ہفتے کونوا لین کا ہنگورہ آباد اور آگرہ تاج کالونی کا مقابلہ سنگو لین سے ہوگا۔