کراچی فائرنگ اور پرتشدد واقعات میں اے ایس آئی سمیت 3 افراد جاں بحق 2 زخمی

یوسف گوٹھ میں نامعلوم افراد نے فائرنگ کرکے ڈیوٹی پرجاتے ہوئے اے ایس آئی خورشید احمد کو قتل کردیا۔ فوٹو : فائل

---

شہر میں فائرنگ اور پرتشدد واقعات میں اے ایس آئی سمیت 3 افراد جاں بحق اور 2 زخمی ہوگئے۔

کراچی میں رینجرز اور پولیس کے ٹارگٹڈ آپریشنز کے باوجود قتل وغارت کا سلسلہ جاری ہے، یوسف گوٹھ میں نامعلوم افراد نے ڈیوٹی پرجاتے ہوئے اے ایس آئی خورشید احمد کو فائرنگ کرکے قتل کردیا، مقتول موچکو تھانے میں تعینات تھا، کورنگی انڈسٹریل ایریا میں ویٹا چورنگی کے قریب فائرنگ سے ایک شخص جاں بحق ہوگیا، لیاری لی مارکیٹ سے ایک شخص کی تشدد زدہ لاش ملی ہے، پولیس کے مطابق مقتول کو اغوا کرکے تشدد کا نشانہ بنانے کے بعد قتل کیا گیا ہے، تاہم مقتول کی تاحال شناخت نہیں ہوسکی ہے، جبکہ لیاری اور میٹروول سائٹ میں فائرنگ سے 2 افراد زخمی ہوگئے۔