فضل الرحمان کی زیر صدارت جے یو آئی ف کی آل پارٹیز کانفرنس

پاکستان پیپلزپارٹی کے چیئرمین بلاول بھٹو زرداری اے پی سی میں شریک

ویب ڈیسک November 26, 2019

پاکستان پیپلزپارٹی کے چیئرمین بلاول بھٹو زرداری اے پی سی میں شریک ہیں فوٹو:فائل

اسلام آباد میں جمعیت علمائے اسلام (جے یو آئی) ف کے سربراہ مولانا فضل الرحمان کی زیر صدارت 9 اپوزیشن جماعتوں کی آل پارٹیز کانفرنس کا انعقاد کیا گیا۔

کل جماعتی اجلاس میں پاکستان پیپلزپارٹی کے چیئرمین بلاول بھٹو زرداری کی قیادت میں فرحت اللہ بابر، نئیر بخاری، مصطفی کھوکھر، یوسف رضا گیلانی، شیری رحمان، راجہ پرویز اشرف کا وفد شریک تھا۔

اسلام آباد: پاکستان پیپلزپارٹی کے چیئرمین بلاول بھٹو زرداری کی آل پارٹیز کانفرنس کے اجلاس میں شرکت

اسلام آباد: مولانا فضل الرحمان، مولانا غفور حیدری، اکرم درانی و دیگر نے چیئرمین بلاول بھٹو زرداری کا استقبال کیا pic.twitter.com/PydV21YtSg
— PPP (@MediaCellPPP) November 26, 2019

ن لیگ کے رہنما احسن اقبال، پشتونخوا ملی عوامی پارٹی کے چیئرمین محمود خان اچکزئی، قومی وطن پارٹی کے سربراہ آفتاب خان شیرپاؤ، اے این پی کے رہنما امیر حیدر خان ہوتی، نیشنل پارٹی کے رہنما سینیٹر حاصل بزنجو اور جے یو پی کے مرکزی سیکرٹری جنرل اور متحدہ مجلس عمل کے ترجمان انس نورانی بھی اجلاس میں شریک تھے۔

مولانا فضل الرحمان، مولانا غفور حیدری، اکرم درانی اور جے یو آئی کے دیگر رہنماؤں نے مہمانوں کا استقبال کیا۔ مولانا فضل الرحمان اپوزیشن رہنماؤں کو حکومت کے خلاف مہم میں آئندہ کی حکمت عملی پر اعتماد میں لیا جس میں قومی و صوبائی اسمبلیوں سے مشترکہ استعفوں پر بھی مشاورت ہوئی۔