امریکا میں چڑیا گھر میں خوفناک آتشزدگی 10 جانور ہلاک
بھڑکتے شعلوں سے بچنے کے لیے جانور پارک سے باہر نکلنے کی کوشش میں زخمی ہوگئے
ایک زرافہ بھڑکتے شعلوں سے بچنے کیلئے باہر نکلنے کی کوشش کر رہا ہے۔ فوٹو : ٹویٹر
امریکا میں ایک وائلڈ لائف پارک میں اچانک آگ بھڑک اُٹھی جس کے نتیجے میں دس جانور ہلاک اور متعدد زخمی ہوگئے۔
بین الاقوامی خبر رساں ادارے کے مطابق امریکی ریاست اوہائیو کے ايک وائلڈ لائف پارک کے ایک گوادام میں اچانک آگ بھڑک اُٹھی، آگ کے شعلوں نے سفاری پارک کو اپنی لپیٹ میں لے لیا، سفاری پارک میں موجود جانور اپنی جان بچانے کے لیے اِدھر اُدھر بھاگتے رہے لیکن کہیں جائے پناہ نہیں ملی۔
ریسکیو عملے نے 4 گھنٹوں کی مشقت کے بعد آگ پر قابو پالیا تاہم اس دوران تین زرافے، تین افریقی بوگو (دھاری دار ہرن) اور ایک سپرنگبوک ہرن سمیت 10 جانور بری طرح جھلس کر ہلاک ہو گئے جب کہ متعدد زخمی ہیں جنہیں جانوروں کے اسپتال منتقل کیا گیا ہے۔ ایک زیبرا کسی طرح سفاری پارک سے باہر نکلنے میں کامیاب ہوگیا تھا جسے عملے نے پکڑ لیا ہے۔
سفاری پارک کی انتظامیہ کا 10 جانوروں کی ہلاکت کی تصدیق کرتے ہوئے کہنا ہے کہ آتشزدگی کے واقعے میں پارک کو بری طرح نقصان پہنچا ہے تاہم کسی قسم کا جانی نقصان نہیں ہوا۔ میونسپل کمیٹی نے واقعے پر افسوس کا اظہار کرتے ہوئے آگ لگنے کی وجہ کے تعین کے لیے انکوائری کمیٹی تشکیل دے دی ہے۔
بین الاقوامی خبر رساں ادارے کے مطابق امریکی ریاست اوہائیو کے ايک وائلڈ لائف پارک کے ایک گوادام میں اچانک آگ بھڑک اُٹھی، آگ کے شعلوں نے سفاری پارک کو اپنی لپیٹ میں لے لیا، سفاری پارک میں موجود جانور اپنی جان بچانے کے لیے اِدھر اُدھر بھاگتے رہے لیکن کہیں جائے پناہ نہیں ملی۔
ریسکیو عملے نے 4 گھنٹوں کی مشقت کے بعد آگ پر قابو پالیا تاہم اس دوران تین زرافے، تین افریقی بوگو (دھاری دار ہرن) اور ایک سپرنگبوک ہرن سمیت 10 جانور بری طرح جھلس کر ہلاک ہو گئے جب کہ متعدد زخمی ہیں جنہیں جانوروں کے اسپتال منتقل کیا گیا ہے۔ ایک زیبرا کسی طرح سفاری پارک سے باہر نکلنے میں کامیاب ہوگیا تھا جسے عملے نے پکڑ لیا ہے۔
سفاری پارک کی انتظامیہ کا 10 جانوروں کی ہلاکت کی تصدیق کرتے ہوئے کہنا ہے کہ آتشزدگی کے واقعے میں پارک کو بری طرح نقصان پہنچا ہے تاہم کسی قسم کا جانی نقصان نہیں ہوا۔ میونسپل کمیٹی نے واقعے پر افسوس کا اظہار کرتے ہوئے آگ لگنے کی وجہ کے تعین کے لیے انکوائری کمیٹی تشکیل دے دی ہے۔