اقوام متحدہ کی پاک بھارت تنازعات کے حل میں مدد دینے کی پیشکش

KARACHI:
اقوام متحدہ کے سیکریٹری جنرل بان کی مون نے پاکستان اور بھارت کے درمیان تمام تصفیہ طلب مسائل کے حل کیلیے مذاکراتی عمل میں کردار ادا کرنے کی پیشکش کردی ۔


کشمیر پر بھارتی قبضے کے 66 سال مکمل ہونے پر اپنے ایک انٹرویو میں انھوں نے پاکستان اور بھارت کے وزرائے اعظم کے درمیان بات چیت کا خیر مقدم کیا اور کہا کہ دونوں ملکوں کے درمیان مذاکرات میں سہولت دینے میں کردار ادا کرنے پر انھیں خوشی محسوس ہوگی۔بان کی مون نے ڈرون حملوں سے ہونے والی شہری ہلاکتوں پر تشویش ظاہر کی اور ڈرون ٹیکنالوجی استعمال کرنے والے ملکوں پر زور دیا کہ وہ انسانی حقوق کے بین الاقوامی قوانین کا احترام کریں۔