یہ میرا ’’بگ باس‘‘ کی میزبانی کا آخری سیزن ہوگا سلمان خان

کچھ لوگوں کو شاید اس طرح کے برتاؤ سے کوئی فرق نہیں پڑے گا لیکن میں کسی خاتون سے اس طرح کے برتاؤ کو برداشت نہیں کرسکتا، سلمان خان فوٹو : فائل

---

بالی ووڈ کے دبنگ خان نے کہا ہے کہ ریئلٹی شو ''بگ باس'' کی میزبانی کا یہ ان کا آخری سیزن ہوگا اور وہ اس کے بعد کبھی اس شو کی میزبانی نہیں کریں گے۔

بھارتی میڈیا کے مطابق سلمان خان نے یہ فیصلہ شو کے دوران ٹی وی اداکار کوشال ٹنڈن کے اداکارہ تنیشا مکھرجی سے برے برتاؤ کے بعد کیا، شو کے دوران اداکارہ سے برے برتاؤ کے بعد سلمان خان نے کوشال ٹنڈن سے کہا کہ اگر آپ کو لگتا ہے کہ اس حرکت کے بعد آپ اپنا تاثر ٹھیک کرسکتے ہیں تو یہ آپ کی غلط فہمی ہے، وہ خود بھی پہلے ایسی غلطی کرچکے ہیں اس لئے جانتے ہیں کہ آپ کی ایک بھی غلطی لوگوں کو ہمیشہ یاد رہتی ہے۔

اسی واقعے کے حوالے سے سلمان خان نے سماجی رابطے کی ویب سائٹ پر اپنے پیغام میں بھی کہا کہ شو کی یہ قسط دیکھنے والوں میں سے کچھ لوگوں کو شاید اس سے کوئی فرق نہیں پڑے گا لیکن وہ کسی خاتون سے اس طرح کے برتاؤ کو برداشت نہیں کرسکتے۔