خطروں کے کھلاڑی اکشے کمار کو گینگ وار گروپ کی جانب سے قتل کی دھمکی

اکشےکمارکو مبینہ طور پرگینگسٹر روی پوجاری کی جانب سے فون پرقتل کی دھمکی دی گئی،پولیس، فوٹو: فائل

---

اپنی فلموں میں گینگ وار اور جرائم پیشہ گروپوں کے چھکے چھڑانے والے خطروں کے کھلاڑی اکشے کمارکو گینگ وار گروپ کی جانب سے قتل کی دھمکی دی گئی ہے۔

بھارتی میڈیا کے مطابق پولیس کا کہنا ہے کہ اکشے کمار کو مبینہ طور پر گینگسٹر روی پوجاری کی جانب سے فون پر قتل کی دھمکی دی گئی اور اکشے کی جانب سے چند روز قبل ایک ملازم کو نوکری سے نکالنے کے حوالے سے گفتگو کی۔ پولیس کا مزید کہنا تھا کہ ہوسکتا ہے کسی نے اکشے کو کال مذاق کے طورپر روی پورجاری کے نام سے کی ہو تاہم اس حوالے سے مزید تحقیقات کی جا رہی ہیں۔