حکومت کونیب قانون تبدیل کرنے کا کہا تھا لیکن اس نے نہیں کیاچیف جسٹس

کسی پر سختی کے لیے ضمانت کا طریقہ سخت کرنے کا تاثر غلط ہے، چیف جسٹس فوٹو: فائل

---

سپریم کورٹ نے آشیانہ اقبال کیس میں امتیاز حیدرکی درخواست ضمانت منظورکرلی۔

ایکسپریس نیوزکے مطابق سپریم کورٹ میں پنجاب لینڈ ڈویلپمنٹ کارپوریشن کے سابق چیف ایگزیٹو آفیسرامتیازحیدرکی درخواست ضمانت پر سماعت ہوئی۔

سماعت کے دوران چیف جسٹس نے ریمارکس دیئے کہ تاثردیا گیا سپریم کورٹ نے نیب قانون میں سختی کردی ہے، کہا گیا کسی کو نقصان یا فائدہ پہنچانے کیلئے عدالت نے قانون سخت کیا، عدالت نے سختی نہیں کی صرف قانونی پوزیشن واضح کی تھی۔ حکومت کونیب قانون تبدیل کرنے کا کہا تھا لیکن حکومت نے کچھ نہیں کیا۔

چیف جسٹس نے کہا کہ اگراس معاملے کوہم تفصیل سے سنیں گے توہم مکمل انصاف کریں گے، ہوسکتا ہے ہم اس پورے کیس کو ختم کردیں، ایک سال 8 ماہ کا وقت بہت طویل وقت ہے، قانون میں 30 دن کا وقت دیا گیا ہے، امتیازحیدرکا کوئی کردارنہیں بنتا، امتیاز حیدرکے اپنے کردارکودیکھنا ہے۔

سپریم کورٹ نے امتیازحیدر کی درخواست ضمانت منظورکرلی جب کہ ملزم کا پاسپورٹ جمع کرانے کی نیب کی استدعا مسترد کرتے ہوئے ملزم کو دس، دس لاکھ کے دو مچلکے جمع کرانے کا حکم دے دیا۔