شہبازشریف کی جائیداد منجمد کرنا انتقامی کارروائی ہے، احسن اقبال۔ فوٹو: فائل
اسلام آباد میں میڈیا سے بات کرتے ہوئے جنرل سیکریٹری مسلم لیگ (ن) احسن اقبال کا کہنا تھا کہ حکومت نے شہبازشریف کے اثاثے منجمد کر دیے جس میں ان کی ڈکلیئرڈ پراپرٹی کو سیل کیا گیا اور ان کے خلاف من گھڑت الزامات پر کارروائی کی گئی، پراپرٹی سیل کرنا انتقامی کارروائی ہے، حکومت سپریم کورٹ کے فیصلے کو سبوتاژ اور اپوزیشن کے ساتھ محاذ آرائی بڑھانا چاہتی ہے۔
احسن اقبال نے کہا کہ حکومت کو آرمی چیف کی مدت ملازمت میں توسیع کے معاملے پر اپوزیشن کی ضرورت ہوگی لیکن حکومت قانون سازی میں سنجیدہ نظر نہیں آتی، حکومت سنجیدہ ہوتی تو اپوزیشن کے ساتھ معاملات طے کرتی، مجھے اس حکومت کی نیت پر شک ہے، یہ حکومت قومی اداروں کے ساتھ خطرناک کھیل کھیل رہی ہے۔
تبصرے
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔