ٹوبہ ٹیک سنگھ میں اجتماعی زیادتی کے بعد 13 سالہ لڑکی کو زندہ دفن کردیا گیا

پولیس کی جانب سے لڑکی کے والدین سے تعاون نہ کرنے پر چیف جسٹس لاہور ہائی کورٹ کا ٹوبہ ٹیک سنگھ کے سیشن جج کو شفاف تحقیقات کرانے کا حکم فوٹو: فائل

---

KARACHI: پنجاب کے ضلع ٹوبہ ٹیک سنگھ میں دو درندہ صفت ملزمان نے 13 سالہ لڑکی کو اجتماعی زیادتی کا نشانہ بنانے کے بعد زندہ دفن کردیا۔

بھارتی اخبار کے مطابق ٹوبہ ٹیک سنگھ کے نواحی گاؤں کے رہائشی صدیق مغل کا کہنا ہے کہ اس کی 13 سالہ بیٹی کو 2 افراد نے اس وقت اغوا کیا جب وہ قرآن پاک پڑھنے کے لئے مدرسے جارہی تھی، اغوا کے بعد ملزمان نے ان کی بیٹی کو زیادتی کا نشانہ بنایا اورنیم بے ہوشی کی حالت میں اس پر گڑھے میں مٹی ڈال کر چلے گئے۔ انہوں نے کہاکہ ہوش میں آنے کے بعد شور مچانے پر قریب سے گزرنے والے افراد نے ان کی بیٹی کو اسپتال منتقل کیا۔

پولیس کی جانب سے لڑکی کے والدین کے ساتھ تعاون نہ کرنے پر چیف جسٹس لاہور ہائی کورٹ نے واقعہ کا نوٹس لیتے ہوئے ٹوبہ ٹیک سنگھ کے سیشن جج کو حکم دیا ہے کہ واقعہ کی شفاف تحقیقات کروائی جائیں جس پر سیشن جج نے پولیس کو واقعہ میں ملوث ملزمان کو فوری طور پر گرفتار کرکے انصاف کے کٹہرے میں لانے کی ہدایت کی ہے۔