نئی ڈی آر ایس تبدیلیاں ایشز سیریز میں ایک بار پھر امپائرز دباؤ کا شکار ہوں گے

متنازع فیصلوں کی وجہ سے کرکٹ آسٹریلیا کے نشریاتی پارٹنر نے اس بار ٹیکنالوجی لسٹ سے ہاٹ اسپاٹ کو خارج کردیا

AFP October 30, 2013

آئی سی سی آزمائشی طور پر 80 اوورز کے بعد ریویو ری سیٹ کرنے کا قانون نافذ کرچکی ۔ فوٹو: فائل

نئی ڈی آر ایس تبدیلیوں سے ایشز سیریز میں ایک بار پھر امپائرز دباؤ کا شکار ہوں گے، انگلینڈ کے بعد آسٹریلیا میں بھی تنازعات سامنے آنے کا خطرہ ظاہر کیا گیا ہے۔

متنازع فیصلوں کی وجہ سے کرکٹ آسٹریلیا کے نشریاتی پارٹنر نے اس بار ٹیکنالوجی لسٹ سے ہاٹ اسپاٹ کو خارج کردیا، اب تھرڈ امپائرز کو کسی بھی آئوٹ کا فیصلہ کرنے کیلیے صرف بال ٹریکننگ سسٹم ہاک آئی، مائیکروفون اور سلو موشن ری پلیز کی مدد سے فیصلے کرناہوں گے، آئی سی سی آزمائشی طور پر 80 اوورز کے بعد ریویو ری سیٹ کرنے کا قانون نافذ کرچکی جس سے اب آن فیلڈ امپائرز کے زیادہ فیصلے چیلنج کیے جائیں گے اور تھرڈ امپائر پر بوجھ اور بھی زیادہ بڑھ جائے گا۔