ملک بھر میں بجلی کی بدترین لوڈ شیڈنگشارٹ فال5726میگاواٹ ہوگیا

ملک بھر میں ہفتہ وار چھٹی کے باوجود شہریوں کو بدترین لوڈشیڈنگ کاسامنا کرنا پڑ رہا ہے اور بجلی کاشارٹ فال بڑھ کر پانچ ہزار سات سو چھبیس میگاواٹ ہوگیا۔


ترجمان نیشنل ٹرانسمیشن اینڈ ڈسپیچ کمپنی کے مطابق لال پیر اور صبا پاور پلانٹس کو سالانہ مرمت کیلئے بند کیا گیا ہے جبکہ حبکو کے دو یونٹ بھی بند ہیں ۔

پی ایس او نے نجی پاورپلانٹ سمیت این ٹی ڈی سی کو طلب کے مقابلے میں بھی پندرہ ہزار میٹرک ٹن کم تیل فراہم کیا۔ ذرائع کے مطابق این ٹی ڈی سی اور نجی پاور کمپنیوں نے پی ایس او کو 200ارب روپے جبکہ پی ایس او نے آئل ریفائنریز کمپنیوں کو106 ارب روپے ادا کرنے ہیں۔