بھارتی شہریت کا متنازع بل دو طرفہ معاہدوں کی خلاف ورزی ہے وزیراعظم

متنازع بل انسانی حقوق اور دو طرفہ معاہدوں کی مکمل خلاف ورزی ہے،وزیراعظم، فوٹو: فائل

---

ROME: وزیراعظم عمران خان نے بھارتی لوک سبھا میں شہریت کے متنازع بل کی منظوری کی شدید مذمت کرتے ہوئے بل کو انسانی حقوق اور دو طرفہ معاہدوں کی خلاف ورزی قرار دیا ہے۔

سماجی رابطے کی ویب سائٹ ٹوئٹر پر جاری ردعمل میں وزیراعظم عمران خان نے کہا کہ بھارتی لوک سبھا میں شہریت سے متعلق متنازع قانون سازی کی مذمت کرتے ہیں، یہ آرایس ایس کے ہندو راشٹریہ کا ایک حصہ ہے جب کہ متنازع بل انسانی حقوق اور دو طرفہ معاہدوں کی مکمل خلاف ورزی ہے۔

یاد رہے کہ بھارتی ایوان زیریں نے 12 گھنٹے کی بحث کے بعد تارکین وطن کی شہریت سے متعلق متنازع ترمیمی بل کثرت رائے سے منظور کیا تھا جس کے تحت پاکستان، بنگلادیش اور افغانستان سے بھارت جانے والے غیر مسلموں کو شہریت دی جائے گی لیکن مسلمانوں کو نہیں۔

We strongly condemn Indian Lok Sabha citizenship legislation which violates all norms of int human rights law & bilateral agreements with Pak. It is part of the RSS "Hindu Rashtra" design of expansionism propagated by the fascist Modi Govt. https://t.co/XkRdBiSp3G

— Imran Khan (@ImranKhanPTI) December 10, 2019

متنازع بل پر بھارت سمیت دنیا بھر میں آوازیں اٹھ رہی ہیں اور بھارتی حکمران جماعت بی جے پی کو شدید تنقید کا نشانہ بنانے کے ساتھ ساتھ مسلمانوں کے خلاف اقدامات کی پرزور مذمت کی ہے، خود بھارت میں اپوزیشن جماعت کانگریس نے متنازع بل کو غیر آئینی قرار دیا ہے۔