جاپان ایئر پورٹس کی سیکیورٹی کیلیے پاکستان کو 2 کروڑ ڈالر دیگا

جاپان کے سفیرہروشی انوماتا اور سیکریٹری اکنامک افیئرزڈویژن نرگس سیٹھی کے درمیان معاہدے پر دستخط کیے گئے۔ فوٹو: فائل

---

جاپان کی حکومت نے پاکستان کے3 بڑے ایئرپورٹس اسلام آباد،کراچی اورلاہور میں سیکیورٹی نظام کو بہتر اورمربوط بنانے کیلیے دوکروڑامریکی ڈالرمالی معاونت فراہم کرنے کااعلان کیاہے۔

اس سلسلے میں جاپان کے سفیرہروشی انوماتا اور سیکریٹری اکنامک افیئرزڈویژن نرگس سیٹھی کے درمیان معاہدے پر دستخط کیے گئے۔



منصوبے کے تحت پاکستان کے3بڑے ایئرپورٹس پرجو جدیدٹیکنالوجی نصب کی جائیگی اس میں بارودی مواد کی نشاندہی کیلیے14سیٹس،گاڑیوں کی سکینگ کیلیے3سیٹس اورکارگوگاڑیوں کی اسکینگ کیلیے 3 سیٹس شامل ہیں۔اس کے علاوہ جدیدٹیکنالوجی کو استعمال کرنے والوںکو ٹریننگ بھی دی جائے گی تاکہ ٹیکنالوجی کا صحیح استعمال کرکے ایئرپورٹس پرسیکیورٹی کوبہتر بنایا جائے۔