کھوکھرا پار سرکاری اسپتال سے اغوا کی گئی نومولود بچی بازیاب نہ ہو سکی

ملزمہ کے پرس میں سے بغیر سم کا ایک موبائل فون برآمد ہوا تھا۔ فوٹو:فائل

---

کھوکھرا پار میں سرکاری اسپتال سے 4 روز قبل اغوا کی جانے والی نومولود بچی کا انویسٹی گیشن پولیس تاحال سراغ نہیں لگا سکی۔

9 دسمبر کو کھوکھرا پار کے علاقے میں واقعے سرکاری اسپتال میں حنا نامی خاتون کے یہاں بیٹی کی ولادت ہوئی تھی جس کے کچھ گھنٹوں کے بعد نقاب پوش ملزمہ خاتون کو باتوں میں لگا کر اس کی بیٹی کو دھوپ لگانے کے بہانے گود میں لے کر گئی جو واپس ہی نہیں پلٹی اور بچی اغوا کر کے فرار ہوگئی۔

ملزمہ کے پرس میں سے بغیر سم کا ایک موبائل فون برآمد ہوا تھا جسے پولیس نے قبضے میں لے لیا جس کا فارنزک کرایا جا رہا ہے۔