کرش تھری آج بھارت سمیت دنیا بھر کے سینماؤں کی زینت بنے گی

ایک ارب روپے کی لاگت سے بننے والی کرش تھری بالی ووڈ باکس آفس کی تیسری میگا بجٹ فلم ہے۔

---

SOUTHAMPTON: بالی ووڈ کی سائنس فکشن پر مبنی ہریتک روشن کی فلم "کرش تھری" آج بھارت سمیت دنیا بھر کے سینماؤں کی زینت بنے گی۔

کرش تھری کی کہانی زمین پر رہنے والے غیر معمولی طاقتوں کے مالک ہریتک روشن اور دوسری دنیا سے آئی مخلوق کال یعنی وویک آبرائے اور کنگنا رناوٹ کے درمیان جاری جنگ کے گرد گھومتی ہے، جبکہ پریانکا چوپڑا اور ریکھا اپنے سابقہ کرداروں میں ہی جلوہ گر ہوں گی، کرش تھری کی کہانی کا تسلسل وہیں سے جوڑا گیا ہے جہاں پر پچھلی فلم کرش ٹو کو ختم کیا گیا تھا۔

ایک ارب روپے کی لاگت سے بننے والی کرش تھری بالی ووڈ باکس آفس کی تیسری میگا بجٹ فلم ہے، امید کی جارہی ہے کہ فلم لوگوں کے معیار پر پورا اتر کر کامیابی کے نئے ریکارڈ قائم کرے گی۔