زمین کےتنازع پرباپ بیٹےسمیت 4افراد کوقتل کردیا گیا جب کہ اس سے قبل بھی 2 افراد اس تنازع کی بھینٹ چڑھ چکے ہیں۔

ورپال چٹھہ کے رہائشی نذیر احمد اپنے بیٹے احمد، دوست قیوم اور ڈرائیور اکرم کے ہمراہ گاڑی میں ورپال سے گوجرانوالہ کی جانب جا رہے تھے کہ کار سوارملزمان نےگوندلانوالہ نہر کے قریب ان کی گاڑی کا راستہ روک کراندھا دھند فائرنگ شروع کر دی جس کے نتیجے میں چاروں افراد موقع پر ہی جاں بحق ہو گئے۔ پولیس کے مطابق مقتولین کا مخالف گروپ کے ساتھ زمین کا تنازع چل رہا تھا۔