وزیراعظم عمران خان سے بحرین کے ولی عہد کی ملاقات

وزیر خارجہ شاہ محمود قریشی اور معاون خصوصی زلفی بخاری بھی وزیراعظم کے ہمراہ ہیں

ویب ڈیسک December 16, 2019

وزیر خارجہ شاہ محمود قریشی اور معاون خصوصی زلفی بخاری بھی وزیراعظم کے ہمراہ ہیں فوٹو:ٹوئٹر

وزیراعظم عمران خان ایک روزہ دورے پر بحرین پہنچ گئے۔

بحرین پہنچنے پر ولی عہد شہزادہ سلمان بن حماد بن عیسی الخلیفہ نے وزیراعظم کا استقبال کیا۔ دونوں رہنماؤں کی الحضیبہ محل میں ملاقات ہوئی جس میں باہمی دلچسپی کے امور پر تبادلہ خیال کیا گیا۔

وزیر خارجہ شاہ محمود قریشی اور معاون خصوصی زلفی بخاری بھی ان کے ہمراہ ہیں۔ عمران خان بحرین کے بادشاہ حمد بن عیسی الخلیفہ کی دعوت پر دورہ کررہے ہیں۔

#PM @ImranKhanPTI arrives at Al-Ghudaibya Palace in Manama for official meeting with Crown Prince Salman Bin Hamad Bin Isa Al Khalifa https://t.co/8l41DJ3vUD pic.twitter.com/GQysB63JgJ
— Radio Pakistan (@RadioPakistan) December 16, 2019

وزیراعظم سلطنت بحرین کے قومی دن کے موقع پر مہمان خصوصی کے طور پر شرکت کریں گے۔ اس موقع پر عمران خان کو بحرین کے سب سے بڑے سول ایوارڈ سے بھی نوازا جائے گا۔

ڈاکٹر فردوس عاشق اعوان نے کہا ہے کہ وزیراعظم کا دورہ بحرین تجارت اور سرمایہ کاری کے فروغ میں اضافے کا باعث بنے گا۔

علاوہ ازیں دورے سے قبل وزیر اعظم عمران خان سے امریکی سینٹر لنزے گراہم نے ملاقات کی جس میں وزیر خارجہ شاہ محمود قریشی نے بھی شرکت کی۔

وزیر اعظم عمران خان سے امریکی سینٹر لنڈسے گراہم کی ملاقات

وزیر خارجہ شاہ محمود قریشی بھی ملاقات میں موجود pic.twitter.com/RAKofv52c7
— PTI (@PTIofficial) December 16, 2019