سری لنکن ون ڈے اسکواڈ سے ایرنگا باہر پریانجان اور دیموتھ کرونارتنے کا انتخاب

سری لنکا نے نیوزی لینڈ سے ون ڈے سیریز کے 2 ابتدائی میچز کی ٹیم سے فاسٹ بولر شمندا ایرنگا کو باہرکردیا۔


نئے مڈل آرڈر بیٹسمین24 سالہ ایشن پریانجان اور اوپنر دیموتھ کرونارتنے کو 16رکنی اسکواڈ کا حصہ بنالیا گیا، دیموتھ نے اب تک اپنے کیریئر کے2ون ڈے انٹرنیشنل2011 میں کھیلے ہیں، کیویز سے ابتدائی میچز 10اور 12 نومبر کو ہمبنٹوٹا میں ہونے ہیں، اختتامی مقابلہ 16نومبر کو دمبولا میں شیڈول ہے، اسپن بولرز رنگانا ہیراتھ، سچترا سینانائیکے اور اجنتھا مینڈس بھی مہمان ٹیم کیخلاف اپنا ہنرآزمائیں گے، کپتان اینجیلو میتھیوز کے ساتھ مڈل آرڈر میں دنیش چندیمل اور لاہیروتھریمانے موجود ہوں گے،منتخب پلیئرز کے نام یہ ہیں، اینجیلو میتھوز ( کپتان )، تلکارتنے دلشان، دیموتھ کرونارتنے، کوشل پریرا، کمار سنگاکارا، مہیلا جے وردنے، دنیش چندیمل، لاہیروتھریمانے، تشارا پریرا، نووان کولاسیکرا، لسیتھ مالنگا، سورنگا لکمل، رنگانا ہیراتھ، سچترا سینانائیکے، اجنتھا مینڈس اور ایشان پریانجان۔