فارن فنڈنگ کیس میں اسکروٹنی کمیٹی کی تشکیل

الیکشن کمیشن عدالتی آبزرویشنز سے متاثر ہوئے بغیر فیصلہ سنائے، اسلام آباد ہائی کورٹ

Numainda Express December 17, 2019

الیکشن کمیشن عدالتی آبزرویشنز سے متاثر ہوئے بغیر فیصلہ سنائے، اسلام آباد ہائی کورٹ

اسلام آباد ہائی کورٹ نے پی ٹی آئی کی طرف سے فارن فنڈنگ اسکروٹنی کمیٹی کی تشکیل کیخلاف کیس کا فیصلہ جاری کردیا۔

چیف جسٹس اطہرمن اللہ اورجسٹس میاں گل حسن اورنگ زیب پر مشتمل ڈویژن بینچ کی طرف سے جاری3 صفحات کے تحریری فیصلہ میں عدالت نے الیکشن کمیشن کواکبر ایس بابر کی پی ٹی آئی کی ممبر شپ کے حوالے سے پی ٹی آئی کی درخواست کا بغیر کوئی آبزرویشن مدنظر رکھے فیصلہ کرنے کی ہدایت کی ہے۔

اس حوالے سے شکایتی درخواست پی ٹی آئی نے الیکشن کمیشن میں گزشتہ سال دائر کی تھی، عدالت نے اپنے فیصلے میں قرار دیا ہے کہ سنگل بنچ جسٹس محسن اختر کیانی کے فیصلے کو کالعدم قرار دینے کی بظاہر کوئی وجہ ہمارے سامنے نہیں، جسٹس محسن کے فیصلے میں دی گئی آبزرویشن کیس میں حتمی نہیں، الیکشن کمیشن پی ٹی آئی کی درخواست کا آبزرویشنز کو مدنظر رکھے بغیر فیصلہ کرے۔