حکیم اللہ نے چوہدری نثار کو ڈرون حملوں کی بندش یقینی بنانے کا پیغام بھجوایا تھا ذرائع

بعض عالمی طاقتیں حکومت طالبان مذاکرات سے ناخوش ہیں ،چوہدری نثار۔فوٹو:فائل

---

شمالی وزیرستان میں ڈرون حملے کے بعد حکومت طالبان مذاکراتی عمل کھٹائی میں پڑ گیا، حکیم اللہ محسود کی ہلاکت کی صورت میں ان کے پیش رومذاکرات نہیں کریں گے۔

ذرائع کے مطابق حکیم اللہ محسود نے بیک چینل رابطے کئے اور وزیر داخلہ چودھری نثارکو پیغام پہنچایا تھا کہ ڈرون حملوں کے ذریعے مذاکراتی عمل ناکام بنایا جاسکتا ہے، اس لئے حکومت ڈرون حملوں کی روک تھام کیلیے یقینی اقدامات کرے۔ ذرائع کے مطابق وزیر داخلہ چوہدری نثار بھی حکومت طالبان مذاکرات کیلئے فوکل پرسن مقرر ہو نے کے بعد اکثر فکر مند رہتے ہیں اور ان کا موقف ہے کہ بعض عالمی طاقتیں حکومت طالبان مذاکرات سے ناخوش ہیں اور یہ طاقتیں مذاکراتی عمل کو سبوتاژ کرنے کیلیے کوئی موقع ہاتھ سے جانے نہیں دیں گی۔