ربا کیس میں وفاق وصوبائی حکومتوں نے تاحال جواب نہیں دیا

وفاق اورصوبائی حکومتوںنے ربا کیس میں وفاقی شرعی عدالت کے نوٹس کا تاحال جواب نہیں دیا۔

کیس کی سماعت منگل کو ہوگی لیکن معاملے پروفاقی اورصوبائی حکومتوںکا موقف ابھی تک عدالت کے سامنے نہیں آسکاہے۔ وفاقی شرعی عدالت نے سودکیخلاف دائرپٹیشن میںگزشتہ سماعت پروفاقی اور صوبائی حکومتوں کو نوٹس جاری کیاتھا اورمعاملے پرجواب طلب کیا تھا۔




سود کے معاملے کے بارے میںمقدمے پرسماعت 5 نومبر کو ہوگی۔ چیف جسٹس آغا محمدرفیق کی سربراہی میںجسٹس ڈاکٹرفدا محمدخان، جسٹس رضوان علی؎ دودانی، جسٹس شیخ احمدفاروق اورجسٹس شہزادو شیخ پر مشتمل وفاقی شرعی عدالت کا 5رکنی بینچ سماعت کر ے گا۔ وفاقی شرعی عدالت نے سودکو حرام قراردیا تھا تاہم سپریم کورٹ کے شریعت ایپلٹ بینچ نے یہ معاملہ دوبارہ جائزے کے لیے وفاقی شرعی عدالت کوبھیجا تھا۔