جامعہ ملیہ معاملے پرخاموش بالی ووڈ خانز تنقید کی زد میں آگئے

شاہ رخ خان جامعہ جل رہی ہے یہ خاموشی کیوں؟ سوشل میڈیا صارفین فوٹوفائل

---

بھارتی جامعہ ملیہ اسلامیہ کے طلبا پر پولیس کی جانب سے وحشیانہ تشدد اور مظاہروں پر خاموشی اختیار کرنے پر بھارتی سوشل میڈیا صارفین نے بالی ووڈ کے تینوں خانز کو آڑے ہاتھوں لے لیا۔

بھارت میں مسلم مخالف متنازع بل کے باعث مظاہرے پھوٹ پڑے ہیں جو حیدر آباد، کولکتہ اور ممبئی سمیت مختلف شہروں تک پھیل چکے ہیں۔ دلی کی جامعہ ملیہ اسلامیہ میں بھی اس متنازع قانون کے خلاف مظاہرے ہوئے اور طلبا اور پولیس کے درمیان شدید جھڑپ پوئی جب کہ پولیس نے طلبا کو شدید تشدد کا نشانہ بنایا جس کی ویڈیوز سوشل میڈیا پر گردش کررہی ہیں۔

اس خبرکوبھی پڑھیں: جامعہ ملیہ اسلامیہ کے معاملے پراکشے کمارکا دوغلا پن سامنے آگیا

بالی ووڈ کے بہت سے بڑے نام جامعہ ملیہ یونیوسٹی سے منسلک ہیں جن میں شاہ رخ خان کا نام سرفہرست ہے۔ شاہ رخ خان جامعہ ملیہ اسلامیہ کے سابق طالبعلم رہ چکے ہیں۔ تاہم جامعہ کے طلبا پرپولیس کی جانب سے کیے جانےوالے تشدد پر شاہ رخ ، سلمان اورعامر خان کی جانب سے ابھی تک کوئی تبصرہ سامنے نہیں آیا ہے اور بالی ووڈ کے تینوں خانز کی خاموشی پر بھارتی سوشل میڈیا صارفین کی جانب سے انہیں شدید تنقید کا نشانہ بنایا جارہا ہے۔ جب کہ سوشل میڈیا پر ''شیم آن بالی ووڈ'' کا ہیش ٹیگ ٹرینڈ کررہا ہے۔

ایک ٹوئٹر صارف نے تینوں خانز کی خاموشی پر تنقید کرتے ہوئے کہا شاہ رخ خان جامعہ کا سابق طالبعلم اور آزادی کے لیے لڑنے والے بہادر کا بیٹا۔ عامر خان جن کا تعلق آزادی پسند خاندان سے ہے۔ سلمان خان خود کو انسانیت کا علمبردار کہنے والے۔ بھارت نے ان کو اسٹار بنایا، لیکن جب آپ کی آواز کی ضرورت ہے آپ خاموش ہیں۔ آپ کس سے خوفزدہ ہیں؟

Shah Rukh - @iamsrk - son of a freedom fighter, alumnus of Jamia

Aamir - @aamir_khan - family of freedom fighters, descendant of Maulana Azad

Salman - @BeingSalmanKhan - Being Human

Indians made them stars. But they are mute when their voice is needed. What are u scared about?

— Srivatsa (@srivatsayb) December 16, 2019

ملک فاروق نامی صارف نے لکھا شاہ رخ خان جامعہ جل رہی ہے یہ خاموشی کیوں؟

https://twitter.com/MaLikFaruk11/status/1206431311302418433

شبھم سنگھ نامی صارف نے لکھا ڈیئر شاہ رخ خان آپ جامعہ ملیہ کے سابق طالبعلم ہیں لیکن اس وقت آپ کی خاموشی بہت پریشان کن ہے۔ آپ میں محبت کی وہ طاقت ہے جو جادو کردیتی ہے۔ یہی وقت ہے مہربانی کرکے کچھ تو بولیں۔

Dear @iamsrk, you are an alumnus of Jamia Millia but your silence at this moment is disturbing. You have the power to create magic by showering love. It's High Time. Just give your alma mater some glimpse of it.
Have some words.#JamiaMilia #Jamia pic.twitter.com/vnugosdrcL

— Shubham Singh (@ShubhamIIMC) December 15, 2019

ایک اور صارف نے لکھا شاہ رخ خان جامعہ کے سابق ہونہار طالبعلم، مجھے معلوم ہے آپ کو بھارتی مسلمانوں کی کوئی فکر نہیں لیکن کم سے کم پولیس کی جانب سے کیمپس میں کیے جانے والے تشدد پر کچھ تو بولیے، جہاں آپ نے بطور طالبعلم کئی برس گزارے ہیں۔