پرویز مشرف کی سزائے موت کے فیصلے پر سوشل میڈیا پر بحث

خصوصی عدالت نے آرٹیکل 6 کے تحت ملک سے غداری کا جرم ثابت ہونے پر سابق صدر جنرل پرویز مشرف کو سزائے موت سنائی ہے

ویب ڈیسک December 17, 2019

سابق صدر جنرل مشرف نے 3 نومبر 2007 کو ملک میں ایمرجنسی نافذ کرتے ہوئے آئین معطل کردیا تھا فوٹوفائل

سابق صدر اور آرمی چیف جنرل پرویز مشرف کو خصوصی عدالت کی جانب سے سزائے موت سنائے جانے کے فیصلے پر سوشل میڈیا پر بحث کا آغاز ہوگیا۔

خصوصی عدالت نے آرٹیکل 6 کے تحت ملک سے غداری کا جرم ثابت ہونے پر سابق صدر جنرل پرویز مشرف کو سزائے موت سنائی ہے۔ عدالت کا فیصلہ آتے ہی پرویز مشرف کا نام سوشل میڈیا پر ٹاپ ٹرینڈ بن گیا۔ سوشل میڈیا پر عدالتی فیصلے پر بحث چھڑ گئی اور صارفین دو حصوں میں تقسیم ہوگئے۔ کچھ صارفین نے عدالتی فیصلے کا خیرمقدم کیا جب کہ کچھ صارفین نے پرویز مشرف کے حق میں ٹوئٹ کی۔

اس خبرکوبھی پڑھیں: سنگین غداری کیس میں پرویز مشرف کو سزائے موت کا حکم

ایک صارف نے فیصلے پر اپنا ردعمل دیتے ہوئے کہا تین جنگیں لڑنے والے کو سزائے موت اور تین بار ملک لوٹنے والے کو 50 روپے میں آزادی واہ ہمارا عدالتی نظام۔

https://twitter.com/sanum_zara/status/1206858089946927104

ذوالفقار منگریو نامی صارف نے عدالتی فیصلے کا خیرمقدم کرتے ہوئے کہا ''جمہوریت بہترین انتقام ہے۔''

Democracy is the best Revenge.
-SHAHEED BENAZIR BHUTTO#ParvezMusharraf
— Zulfiqar Mangrio. (@Zulfiqar101) December 17, 2019

محسن خان نامی ٹوئٹر صارف نے لکھا یہ پاکستان کی تاریخ میں پہلی بار ہے کہ کسی صدر کو سزائے موت سنانے کا حکم دیا گیا ہو۔

This is the 1st time in Pakistan's history that the president of Pakistan has been awarded for death penalty.#ParvezMusharraf
— Mohsin Khan (@mohsin148khan) December 17, 2019

اوکاشا نامی صارف نے لکھا پرویزمشرف کچھ بھی ہوسکتے ہیں لیکن غدار نہیں ہوسکتے اور نہ ہی غداری کے مرتکب ہوسکتے ہیں۔

https://twitter.com/mukasha97/status/1206855857448869888

خادم حسین نامی شخص نے فیصلے کی مخالفت کرتے ہوئے کہا پرویز مشرف نے آئین معطل کیا اور غریب عوام کو سیدھا فائدہ دیا جب کہ نام کے جمہوریوں نے 70 سال سے آئین اپنے فائدے کے لیے معطل رکھا۔

پرویز مشرف نے آئین معطل کیا اور غریب عوام کو سیدھا فائدہ دیا
نام کے جھموریوں نے ستر سال سے آئین اپنے فائدے کے لیے معطل کر رکھا ہے#ParvezMusharraf
— Khadim Hussain Dalwani (@KhadimHussain_D) December 17, 2019

سلمان سکندر نے ملکی اور عدالتی نظام پر طنز کرتے ہوئے کہا شکر ہے پہلی بار عوام کے علاوہ بھی کوئی غدار ٹہرا۔ بس اسی بات کی خوشی ہے۔

شکر ہے پہلی بار عوام کے علاوہ بھی کوئ غدار ٹھہرا ۔بس اسی بات کی خوشی ہے۔#ParvezMusharraf
— Salman Sikandar (@salmansikandar_) December 17, 2019

فراز وہاب نامی صارف عدالتی فیصلے سے خوش نظر نہیں آئے انہوں نے لکھا پرویز مشرف صاحب کے خلاف آنے والے فیصلے کی بھرپور مذمت کرتے ہیں۔ پرویز مشرف کے خلاف آنے والے فیصلے میں جانبداری اور انتقام کی بو آرہی ہے جس جنرل نے ملک کی سلامتی کے لیے جنگیں لڑیں ہوں 40 سال سرحدوں کی حفاظت کی اسے غدار قرار دے دیا گیا۔

https://twitter.com/FarazWahab1/status/1206852776422248449

امامہ بلوچ نامی صارف نے لکھا مشرف کا سب سے بڑا گناہ یہ تھا کہ عدالتوں کو لگام ڈالی تھی اور آج یہی عدالتیں مشرف کے سامنے کھڑے ہوکر اچھل رہی ہیں۔

https://twitter.com/UmaMastic_/status/1206853229910351872

محمد شایان نے لکھا پاکستان کا قانون چور، لٹیرے، غدار کو تو تحفظ فراہم کرتا ہے جب کہ پاکستان کے لیے جس نے قربانیاں دیں اس کو موت کی سزا سناتا ہے۔

https://twitter.com/ShayanAshraf17/status/1206853483644801025

واضح رہے کہ سابق صدر جنرل مشرف نے 3 نومبر 2007 کو ملک میں ایمرجنسی نافذ کرتے ہوئے آئین معطل کردیا تھا اور میڈیا پر پابندی عائد کردی تھی جب کہ اس وقت کے چیف جسٹس افتخار محمد چوہدری سمیت سپریم کورٹس اورہائی کورٹس کے ججز کو گھروں میں نظر بند کردیا تھا۔ بعد ازاں 2013 میں مسلم لیگ (ن) نے پرویز مشرف کے خلاف آئین شکنی کا مقدمہ درج کرایا تھا اسی مقدمے میں خصوصی عدالت نے پرویز مشرف کو سزائے موت سنائی ہے۔