برٹنی اسپیئرز کے گیت صومالی قزاقوں کے خلاف مؤثر ہتھیار

بحری ڈاکو شہرۂ آفاق گلوکارہ کی آواز سنتے ہی بھاگ جاتے ہیں۔

Nadeem Subhan November 02, 2013

صومالی بحری قزاق مغربی ثقافت اور مغربی موسیقی سے سخت نفرت کرتے ہیں اور اسے کسی صورت برداشت نہیں کرسکتے، مرچنٹ آفیسر۔ فوٹو: فائل

شہرۂ آفاق پاپ گلوکارہ برٹنی اسپیئرز کے گیت اس کے کروڑوں چاہنے والوں میں بے حد پسند کیے جاتے ہیں۔

اس کی جادوبھری آواز کے دیوانے دنیا بھر میں پھیلے ہوئے ہیں۔ برٹنی کے مداحوں کی چاہت نے اسے پندرہ برسوں سے امریکا کی مقبول ترین گلوکاراؤں میں شامل کررکھا ہے۔ کیریئر کی ابتدا میں برٹنی کے دو گیت Oops! I Did It Again اور Baby One More Time بے انتہا مقبول ہوئے تھے۔ کئی ہفتوں تک یہ گیت میوزک چارٹس پر سرفہرست رہے تھے۔ اور جن البمز میں یہ گیت شامل تھے، ان البمز نے ریکارڈ بزنس کیا تھا۔ مغربی پاپ موسیقی کے دل دادگان میں یہ گیت آج بھی ذوق و شوق سے سنے جاتے ہیں۔

پاپ میوزک ورلڈ کی یہ گلوکارہ کروڑوں شائقین کی فیورٹ سنگر ہے، مگر حال ہی میں یہ انکشاف ہوا ہے کہ برٹنی کی سریلی آواز سے نفرت کرنے والے بھی موجود ہیں۔ آپ یہ جان کر حیران ہوں گے بحرہند کے پانیوں میں دہشت کی فضا قائم کرنے والے صومالی قزاقوں کو امریکی گلوکارہ کی آواز سخت ناپسند ہے۔ اور اس سے بھی زیادہ حیران کن بات یہ ہے کہ برٹنی کی آواز ہی کو ان کے خلاف خفیہ ہتھیار کے طور پر استعمال کیا جارہا ہے۔

گذشتہ کئی برسوں سے بین الاقوامی ذرائع ابلاغ میں صومالی قزاقوں کا تذکرہ اتنے تسلسل سے ہورہا ہے کہ ہر خطے کے رہنے والے ان کی کارروائیوں سے واقف ہو چکے ہیں۔ صومالی قزاق قرن افریقا کے ساتھ لگنے والے سمندر میں مستقل اپنی کارروائیاں جاری رکھے ہوئے ہیں۔

یہ اس علاقے میں سے گزرنے والے بحری جہازوں کو روک کر مسافروں اور عملے کو یرغمال بنالیتے ہیں اور بھاری تاوان طلب کرتے ہیں۔ 2011ء میں بحری قزاقوں نے جہازوں پر 176 حملے کیے تھے۔ کئی ایسے بحری جہاز بھی ان کا نشانہ بن چکے ہیں جن کے عملے میں پاکستانی شہری شامل تھے۔ بعدازاں بھاری تاوان کی ادائیگی کے بعد بہ دقت تمام ان کی رہائی عمل میں آسکی تھی۔ بحری قزاقوں سے نمٹنے کے لیے برطانیہ کی رائل نیوی کے 1500 سپاہی اور 14 جنگی جہاز ہمہ وقت سمندر میں گشت پر رہتے ہیں۔ اس کے باوجود ان کی کارروائیاں جاری ہیں۔

صومالی قزاقوں کے خلاف بحریہ اب روایتی ہتھیاروں کے ساتھ ساتھ برٹنی اسپیئرز کی آواز سے بھی کام لے رہی ہے۔ اس راز سے پردہ اٹھاتے ہوئے مرچنٹ نیوی کی افسر راکیل اووینز کا کہنا تھا کہ صومالی بحری قزاق مغربی ثقافت اور مغربی موسیقی سے سخت نفرت کرتے ہیں اور اسے کسی صورت برداشت نہیں کرسکتے۔ اسی لیے سمندر میں سفر کرنے والے بحری جہازوں کے کپتانوں کو ہدایت جاری کی گئی تھی کہ قزاقوں کو دیکھتے ہی وہ برٹنی اسپیئرز کے مذکورہ بالا دو گیت انتہائی بلند آواز سے بجانا شروع کردیں، اور اب تک اس کے بڑے حوصلہ افزا نتائج برآمد ہوئے ہیں۔ برٹنی کے گیت سنتے ہی بحری ڈاکو راستہ بدل لیتے ہیں۔

سیکنڈ آفیسر اووینز کے مطابق برٹنی کے ان گیتوں کا انتخاب ایک سیکیورٹی ٹیم نے کیا تھا جس کا خیال تھاکہ قزاق ان دو گیتوں کو سخت ناپسند کریں گے، اور بعدازاں یہ خیال بالکل درست ثابت ہوا۔ سیکیورٹی ایسوسی ایشن فار دی میری ٹائم انڈسٹری کے سینیئر اہل کار اسٹیون جونز کا کہنا ہے کہ یہ ' ہتھیار' اتنا مؤثر ثابت ہورہا ہے کہ قزاقوں کے حملے کی صورت میں بیشتر اوقات روایتی ہتھیار چلانے کی ضرورت پیش نہیں آتی اور وہ برٹنی کی آواز سنتے ہی رفوچکر ہوجاتے ہیں۔

تبصرے

کا جواب دے رہا ہے۔ X

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔

برٹنی اسپیئرز کے گیت صومالی قزاقوں کے خلاف مؤثر ہتھیار

انٹرٹینمنٹ

عامر خان نے سلمان خان کیساتھ کبھی کام نہ کرنے کا عہد کیوں کیا؟

ہاں میں نے ہی حملہ کیا ہے، سیف علی خان پر حملہ کرنے والے ملزم نے اعترافِ جرم کرلیا

کبریٰ خان نے فروری میں شادی کی تصدیق کردی

رائے

اسپیشل انسان!

سامراج کا کھیل

ٹرمپ کی تقریبِ حلف برداری یا جشنِ تاجپوشی؟

متعلقہ

تازہ ترین

برٹنی اسپیئرز کے گیت صومالی قزاقوں کے خلاف مؤثر ہتھیار

ہمارے ساتھ شامل ہوں

مقبول خبریں

انٹرٹینمنٹ

عامر خان نے سلمان خان کیساتھ کبھی کام نہ کرنے کا عہد کیوں کیا؟

ہاں میں نے ہی حملہ کیا ہے، سیف علی خان پر حملہ کرنے والے ملزم نے اعترافِ جرم کرلیا

کبریٰ خان نے فروری میں شادی کی تصدیق کردی

رائے

اسپیشل انسان!

سامراج کا کھیل

ٹرمپ کی تقریبِ حلف برداری یا جشنِ تاجپوشی؟

متعلقہ

تازہ ترین