امریکی ڈرون حملہ پاکستان کے خلاف دشمنی کا بدترین مظہر ہے. فوٹو: فائل
وفاق المدارس العربیہ پاکستان کے صدر مولانا سلیم اللہ خان، صدر جامعہ دارالعلوم کراچی مفتی محمد رفیع عثمانی، مہتمم جامعة العلوم الاسلامیہ بنوری ٹاؤن مولانا ڈاکٹرعبدالرزاق سکندر، نائب صدر جامعہ دارالعلوم کراچی مولانا مفتی محمد تقی عثمانی، مولانا قاری محمد حنیف جالندھری اور دیگر نے ایک مشترکہ بیان میں کہا کہ امریکا کی شر انگیزی پر رسمی احتجاج کے بجائے نیٹو سپلائی بند کی جائے، ڈرون حملہ پاکستان کے خلاف دشمنی کا بدترین مظہر ہے اور امریکی ڈرون حملوں کی دہشتگردی سالہا سال سے جاری ہے۔ علما کا مزید کہنا تھا کہ امریکا ہر قیمت پر پاکستان میں خانہ جنگی چاہتا ہے اور حالیہ ڈرون حملہ امن مذاکرات کو سبوتاژ کرنے کی سازش ہے۔
واضح رہے کہ گزشتہ روز شمالی وزیرستان میں امریکی ڈرون حملے میں کالعدم تحریک طالبان پاکستان کے سربراہ حکیم اللہ محسود اپنے ڈرائیور اور گارڈ کے ہمراہ ہلاک ہو گئے تھے جس کے بعد سے ملک بھر میں امریکا کے اس عمل کو پاکستان کے طالبان کے ساتھ امن مذاکرات کو ناکام بنانے کی کوشش قرار دیا جارہا ہے۔
تبصرے
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔